Captain Cook සිහිවටනය ස්ථිරව ඉවත් කිරීමට මෙල්බන් නගරයේ Yarra නගර සභාව තීරණය කර තිබෙනවා.
මෙය Edinburgh Gardens (Fitzroy) උද්‍යානයේ පිහිටා තිබූ අතර, විනාශකාරී ක්‍රියා දිගින් දිගටම සිදුවීම හේතුවෙන් මෙම තීරණය ගත් බවයි නගර සභාව පවසන්නේ.
විනාශකාරීන් විසින් අවසන් වරට එය විනාශ කිරීමෙන් පසු 2024 ජනවාරි 28 දින සිට මෙම සිහිවටනය එම ස්ථානයෙන් අතුරුදන් වී තිබුණා.
එය අලුතින් පිහිටුවීම සහ අලුත්වැඩියා කිරීමේ වියදම $ 15,000 ක් පමණ වනු ඇති බවටයි ගණන් බලා ඇත්තේ.
Yarra නගර සභාව පෙන්වා දෙන්නේ එය ආපසු පිහිටුවුවොත් යළි විනාශ වීමේ අවදානමක් පවතින බැවින් එම වියදම අසාර්ථක වනු ඇති බවයි.
එහෙත් සිහිවටනය නැවත ඉදි කිරීමේ සැලසුම Captain Cook Society ආයතනය භාර ගැනීමට කැමැත්ත පළ කර ඇතත් එය නිල වශයෙන් තවමත් දැනුම් දී නැහැ.
