
කටාර් රාජකීය පවුලෙන් පිරිනමන සුඛෝපභෝගී ජම්බෝ ජෙට් යානයක් පිළිගැනීමට අමරිකා ජනාධිපති ඩොනල්ඩ් ට්රම්ප්ගේ කැමැත්ත පලකර තිබෙනවා.
අමරිකාවට ලැබුණු විශාලතම විදේශීය තෑග්ග ලෙස සනිටුහන් කරන මෙහි නීත්යානුකූලභාවය පිළිබඳව විවේචනද එල්ල වෙමින් පවතිනවා.
ට්රම්ප් බෝයිං 747-8 ගුවන් යානය පිළිගැනීමට සූදානම් වන අතර පසුව එය ඔහු එයාර් ෆෝස් වන් ලෙස භාවිතා කරනු ඇති බවයි මාද්ය වාර්තා කරන්නේ.

ට්රම්ප් සිය දෙවන ධුර කාලය අවසන් වූ පසු තෑග්ගේ අයිතිය ට්රම්ප් ජනාධිපති පුස්තකාල පදනමට පැවරීමට අපේක්ෂා කරන බවද සදහන්.
මෙහි වටිනාකම ඩොලර් මිලියන 400 ක් ලෙසයි සැලකෙන්නේ.

කටාර් නිලධාරියෙකු පැවසුවේ යානය තාක්ෂණික වශයෙන් කටාර් ආරක්ෂක අමාත්යාංශයෙන් පෙන්ටගනයට තෑගි කරන බව සහ, එය පුද්ගලික එකක් නොව රජයෙන් රජයට සිදු කරන ගණුදෙනුවක් බවයි.
ආරක්ෂක දෙපාර්තමේන්තුව විසින් පසුව මෙම යානය ජනාධිපතිවරයාගේ භාවිතය සඳහා ආරක්ෂක විශේෂාංග සහ වෙනස් කිරීම් සමඟ යානය නැවත සකස් කිරීමට සැලසුම් කර තිබෙනවා.