දැඩි වේග සීමාවන් සහ වයස් සීමාවන් යටතේ නිව් සවුත් වේල්ස් ප්‍රාන්තය තුළ E-Scooter භාවිතය නීතිගත කළ හැකිද යන්න සොයා බලමින් පවතිනවා.
මේ සම්බන්දයෙන් පාර්ලිමේන්තු පරීක්ෂණයකට නිව් සවුත් වේල්ස් ප්‍රාන්තය තොරතුරු ලබා දෙනු ඇති.
මෙම යෝජනාව යටතේ, පැයට කිලෝමීටර 10 ත් 20 ත් අතර වේගයකින් shared paths තුල ඊ-ස්කූටර් භාවිතා කිරීමට අවසර හිමිවනවා.
පැයට කිලෝමීටර 50 ක උපරිම වේගයක් ඇති මාර්ගවල, ඊ-ස්කූටර් ධාවකයින්ට වේගය පැයට කිලෝමීටර 20 ක වේගයකට සීමා වනවා.
මෙය ධාවනය කිරීමට අවම වශයෙන් වයස අවුරුදු 16 ක් විය යුතු අතර, එය ACT හැර ඕස්ට්‍රේලියාවේ සෑම ප්‍රාන්තයකම නීතිරීතිවලට අනුකූල වනවා.
නිව් සවුත් වේල්ස් රජය E-Scooter සඳහා වේග සීමාවක් පැනවීමට සැලසුම් නොකලද එයට අදාලව නීති මාලාවක් හදුන්වා දීමට සැලසුම් කර තිබෙනවා.
NSW රජයේ යෝජනාව ඉදිරිපත් වන්නේ වික්ටෝරියා හි E-Scooter සම්බන්දයෙන් බරපතල ගැටලු පවතින පසුබිමකයි.
එහිදී නීතිවිරෝධී ලෙස වෙනස් කරන ලද විද්‍යුත් බයිසිකලයක ගැටීමෙන් දෙදෙනෙකු රෝහල් ගත කරනු ලැබුවා.
Mornington Peninsula, හි 69 හැවිරිදි පදිකයෙකු E-Scooter යේ ගැටී තුවාල සහිතව රෝහල් ගත කරන ලද අතර 24 හැවිරිදි E-Scooter ය පදින ලද පුද්ගලයාද බරපතල තුවාල ලබා රෝහල් ගත කලා.
මෙම හේතුන් මත ලමුන් සඳහා ස්කූටර් නීතිගත නොකරන ලෙස මන්ත්‍රීවරුන්ගෙන් ඉල්ලා සිටීමට වෛද්‍යවරු කටයුතු කර තිබෙනවා.
