ඔස්ට්‍රේලියාවේ ප්‍රසිද්ධ මාධ්‍යවේදී Alan Jones ට එල්ල වී ඇති ලිංගික චෝදනා පදනම් විරහිත බව අධිකරණයට වාර්තා කර තිබෙනවා.
ඔහුගේ නීතිඥ Bryan Wrench පවසා ඇත්තේ මාධ්‍යවේදියාට එරෙහි සාක්ෂිවල ඇතැම් චෝදනාවල පරස්පර විරෝධී ප්‍රකාශ ඇතුළත් බවයි.
ඇලන් ජෝන්ස් හට වින්දිතයින් 11 දෙනෙකු ලිංගිකව ස්පර්ශ කිරීම සම්බන්ධයෙන් චෝදනා එල්ල වී තිබෙනවා.
2001 සහ 2019 අතර සිදු වූ බව කියන මෙම චෝදනා සම්බන්ධයෙන් මාස අටක විමර්ශනයකින් පසු පසුගිය නොවැම්බර් මාසයේදී ඔහු අත්අඩංගුවට ගනු ලැබුවා.
Alan Jones අද අධිකරණයේ පෙනී සිටීමෙන් නිදහස් කරන ලද අතර ජූලි 8 වනදා නඩුව නැවත අධිකරණයට ඉදිරිපත් කරන විට ඔහුගේ පැමිණීම අවශ්‍ය නොවනු ඇති.
