ඇමරිකාව සහ චීනය දෙපාර්ශවයන්ට පනවා තිබූ බදු අඩු කරමින් දින 90 ක තීරුබදු විරාමයකට එකඟත්වය පළ කර තිබෙනවා.
චීනයට පනවා තිබූ බදු 145% සිට 30% දක්වාත්, ඇමරිකාවට පනවා තිබූ බදු 125% සිට 10% දක්වාත් අඩු කිරීමටයි එකගත්වය ප්‍රකාශකර ඇත්තේ.
ජිනීවාහි චීන නිලධාරීන් සමඟ පැවති සාකච්ඡාවලින් පසුව අදහස් දක්වමින් ඇමරිකා භාණ්ඩාගාර ලේකම් Scott Besant කියා සිටියේ දෙරට අතර තීරුබදු ආරවුල හේතුවෙන් ඩොලර් බිලියන 600 කට ආසන්න ද්විපාර්ශ්වික වෙළඳාම ඇණහිට තිබූ බවයි.
මෙම තීරණය පිලිබඳ අදහස් දක්වමින් ආර්ථික විශ්ලේෂකයන් පෙන්වා දෙන්නේ, මෙය වෙළඳපොළට සහ ගෝලීය ආර්ථිකයට දැඩිව බලපෑමක් එල්ල කල වෙළඳ යුද්ධයක අවසානයක් ලෙසයි .
මෙම සාකච්ඡාවන් ප්‍රසිද්ධියේ වාර්තා වීමෙන් පසු Wall Street කොටස් වෙළඳපොළ ඉහළ ගොස් තිබෙනවා.
