ඉන්දීය සුපිරි පිතිකරු විරාත් කෝලි ටෙස්ට් ක්‍රිකට් පිටියෙන් සමුගැනීම නිළ වශයෙන් නිවේදනය කර තිබෙනවා.
හිටපු නායකයා සහ ඉන්දීය ක්‍රිකට් කණ්ඩායමේ ජ්‍යෙෂ්ඨයෙකු වන ඔහු ලබන මාසයේ ආම්භවන එංගලන්තයට එරෙහි තරඟාවලියට පෙරයි මෙම සමුගැනීම ප්‍රකාශ කර ඇත්තේ.
2011 දී ක්‍රිකට් ක්‍රීඩාව ආරම්භ කළ විරාත් කෝලි ටෙස්ට් තරග 123කදී ශතක 30ක් සහ ලකුණු 9,230ක් ලබා ගෙන තිබෙනවා.
පසුගිය වසරේ බටහිර ඉන්දීය කොදෙව්හිදී ඉන්දියාව පන්දුවාර 20 ලෝක කුසලාන කුසලානය දිනාගත් පසු ඔහු විස්සයි 20 ජාත්‍යන්තර තරගවලින් සමුගත්තා.
කෝලි ඉන්දීය නායකත්වයේ සිටියදී සහභාගී වූ ටෙස්ට් තරග 68 න් 40 ක් ජයග්‍රහණය කරමින් වඩාත්ම සාර්ථක නායකයා බවට පත් වු අතර වැඩිම ටෙස්ට් ජයග්‍රහණ ලබා ගත් නායකයින්ගේ ලැයිස්තුවේ සිව්වන ස්ථානයේ රැදී සිටිනවා.
කෙසේවෙතත් කෝලි තවදුරටත් ඉන්දියාව වෙනුවෙන් එක්දින ජාත්‍යන්තර තරග සඳහා ක්‍රීඩා කරනු ඇතැයි අපේක්ෂා කෙරෙනවා
