වික්ටෝරියා ප්‍රාන්තයේ නිවාස ගැටලුව අවසන් කිරීමේ නවතම පියවරක් රජය විසින් ගෙන තිබෙනවා.
වික්ටෝරියාවේ සැලැස්මෙන් බැහැර (off-the-plan) apartment, unit හෝ townhouse මිලදී ගන්නා ඕනෑම කෙනෙකුට මුද්දර ගාස්තු සහනය ලබාදීම දීර්ඝ කිරීමටයි පියවර ගෙන ඇත්තේ.
පසුගිය වසරේ සැලසුමෙන් බැහැරව (off-the-plan) මිලදී ගත් සියලුම apartment, unit හෝ townhouse සඳහා මුද්දර ගාස්තුව තාවකාලිකව කපා හැරීමට තීරණය කර තිබුණා.
2024 වසරේ ඔක්තෝම්බර් සිට 2025 ඔක්තෝම්බර් දක්වා ක්‍රියාත්මක වූ නමුත් මුද්දර ගාස්තු සහනය දීර්ඝ කිරීමටයි මෙවර වික්ටෝරියා රජය තීරණය කර ඇත්තේ.
ඒ අනුව සැලැස්මෙන් පිටත apartment, unit හෝ townhouse සඳහා මුද්දර ගාස්තු අඩු කර ඇති බවයි වික්ටෝරියා රජය පවසන්නේ.
මූලික වියදම් කපා හැරීම, ඉදිකිරීම් වේගවත් කිරීම සහ සැලැස්මෙන් පිටත නිවාස මිලදී ගැනීම වඩාත් දැරිය හැකි මිලකට ලබා දීම මෙහි අරමුණ වනවා.
පළමු නිවාස ගැනුම්කරුවන්ට, සුදුසුකම් ලත් විශ්‍රාමිකයින්ට සහ හිමිකරු-පදිංචිකරුවන්ට පමණක් වූ සැලැස්මෙන් පිටත මිලදී ගැනීමේදී මුද්දර ගාස්තු සහනය මේ වනවිට ඕනෑම අයෙකුට ලබා ගත හැකි වීම සුවිශේෂී වනවා.
දේපළෙහි වටිනාකම් සීමාවන් ද ඉවත් කර ඇති බැවින් සහනය ඕනෑම වටිනාකමකින් යුත් apartment, unit හෝ townhouse සඳහා ලබා ගත හැකි වනවා.
