කුඩා දරුවන් සඳහා සුදුසු බවට ප්‍රචාරය කරන ලද Fisher Price toy වර්ගයක් ආපසු කැඳවා තිබෙනවා.
එහි කොටසක් වෙන් වී හුස්ම හිරවීම් මෙන්ම තුවාල වීම් සිදු විය හැකි බවට අනාවරන වීමත් සමගයි එය යලිත් කැදවා ඇත්තේ.
SnugaPuppy Activity Centre විසින් මෙම භාන්ඩ යලිත් කැදවා තිබුනේ සෙල්ලම් බඩුවට සවි කර ඇති වෙන් කළ හැකි tissue box කැඩී ගොස් කුඩා දරුවන් අනතුරට ලක් වනු ඇතැයි පවතින බිය නිසා බවයි වාර්තා වුනේ.
The Australian Competition and Consumer Commission විසින් දන්වා තිබුනේ මෙම සෙල්ලම්බඩු තිබෙන මධ්‍යස්ථානයෙන් ඒවා ඉවත්කරන තුරු දරුවන්ට ලගාවිය නොහැකි දුරකින් ඒවා තබන ලෙසයි.
ACCC පෙන්වා දෙන පරිදි tissue box කැඩී ගොස් ලොව පුරා අනතුරු දෙකක් වාර්තා වී තිබෙන අතර ඕස්ට්‍රේලියාවේ කිසිදු සිදුවීමක් සිදුවී හෝ කිසිදු තුවාලයක් වාර්තා වී නැහැ.
SnugaPuppy 2022 දෙසැම්බර් සහ 2023 සැප්තැම්බර් අතර ඕස්ට්‍රේලියාවේ අලෙවි කිරීම ආරම්භ කෙරුනා.
එය අන්තර්ජාලයෙන් සහ Catch, Kmart සහ Target හි වෙළඳසැල් වලින් යලිත් කැදවන තුරු මිලදී ගත හැකි ව තිබුනා.
