වික්ටෝරියාවේ සහ රට පුරා ලැබූ දැවැන්ත මැතිවරණ පරාජය නිසා නාගරික ඕස්ට්‍රේලියානුවන් කෙරෙහි වැඩි අවධානය යොමු කළ යුතු බව ලිබරල් පක්ෂයේ Melbourne, Menzies හි හිටපු මන්ත්‍රී Keith Wolahan අවධාරණය කරනවා.
වික්ටෝරියානු තදාසන්න ප්‍රදේශවල ඡන්දදායකයින්ගේ ඡන්ද ආකර්ෂණය කර ගැනීමට විපක්ෂ නායක Peter Dutton’ගේ ඉලක්කය අසාර්ථක වුණා.
Melbourne කලාපය පුරාම ලිබරල් පක්ෂයට දිනා ගත හැකි වූයේ ආසන අතලොස්සක් පමණයි.
ඒ අතර මෙවරත් Menzies ආසනයෙන් තරග කළ Keith Wolahan, කම්කරු පක්ෂයේ Gabriel Ng ට පරාජය වුණා.
මැතිවරණ ප්‍රතිපල අනුව බොහෝ මිනිසුන් ජීවත් වන නාගරික කලාප වල ජනතාව සමඟ ලිබරල් පක්ෂයට ගැටලුවක් ඇති බව පැහැදිලි බව Wallahan පවසනවා.
මේ නිසා ලිබරල් පක්ෂයේ මැතිවරණ සමාලෝචනය “බරපතල” සහ “පුළුල්” වනු ඇතැයි තමන් බලාපොරොත්තු වන බව Wallahan පවසයි .
