ඕස්ට්‍රේලියානු අගමැති Anthony Albanese ඔහුගේ මැතිවරණ කොට්ඨාශයේ වන Sydney හි දී ඡන්දය ප්‍රකාශ කළා.
මේ අතර Queensland, Brisbane හි දී විපක්ෂ නායක peter Dutton ද සිය ඡන්දය ප්‍රකාශ කර තිබුණා. ඡන්ද මධ්‍යස්ථානයෙන් පිටත පැමිණි Dutton මාධ්‍යවේදීන් අමතමින් පැවසුවේ තමා ජයග්‍රහණය ගැන විශ්වාසයෙන් සිටින බවයි.
ඕස්ට්‍රේලියාව පුරා ඡන්දය ප්‍රකාශ කිරීම දේශීය වේලාවෙන් සවස 6 ට අවසන් වෙනවා. ඒ අනුව ඡන්දය ප්‍රකාශ කිරීමට ඉතිරිව ඇත්තේ පැයක කාලයක් .
මේ වන විටත් නැගෙනහිර ප්‍රාන්තවල ඡන්දය අවසන් වී ඇති අතර බටහිර ඕස්ට්‍රේලියාවේ ඡන්ද විමසීම් විවෘතව පවතිනවා.
පූර්ව ප්‍රකාශිත ඡන්ද සහ අද දින ප්‍රකාශ කරන ලද ඡන්ද සියල්ල අද සවස 6 සිට ගණන් කරනු ලබනවා.
පූර්ව ප්‍රකාශිත ඡන්ද එකතු කරන මධ්‍යස්ථාන විශාල වන බැවින් එම මධ්‍යස්ථාන වල ප්‍රතිපල ලැබීමට වැඩි කාලයක් ගත වන බැවින් එම ප්‍රතිඵල රාත්‍රිය පසුවී අපේක්ෂා කළ හැකියි.
මේ අනුව පූර්ව ඡන්දය මධ්‍යස්ථානවල සංඛ්‍යා වාර්තා අනුව බොහෝ ආසනවල, ජයග්‍රහණය කළේ කවුරුන්ද යන්න පැවසීමට හැකිවනු ඇති බවත් මැතිවරණ විශ්ලේශකයන් පවසනවා.
