2025 ෆෙඩරල් මැතිවරණයේ ඡන්ද විමසීම අදයි.
ඡන්ද හිමි නාමලේඛනයේ සිටින මිලියන 18.1 ක ජනතාව සඳහා ඡන්දය ප්‍රකාශ කිරීම අනිවාර්ය බව මැතිවරණ කෙමිසම පවසනවා.
ඡන්දය ප්‍රකාශ නොකරන ඕනෑම අයෙකුට මැතිවරණයේ දී තම අදහස් දැක්වීම අතපසු වනවා පමණක් නොව, දඩ මුදලක් ගෙවීමට ද සිදු වනු ඇති.
රටපුරා ඡන්ද මධ්‍යස්ථාන 7,000 වැඩි සංඛ්‍යාවක් පවතින අතර පෙරවරු 8 සිට සවස 6 දක්වා ඡන්දය ප්‍රකාශ කිරීමට හැකියාව පවතිනවා.
ඇතැම් ඡන්ද මධ්‍යස්ථාන තුළ පෝලිමක් පවතී නම් ඉවසීමෙන් කටයුතු කරන ලෙසද බලධාරීන් ඉල්ලා සිටියා.
තැපැල් ඡන්දය භාවිත නොකළ පුද්ගලයින්ට අද සවස 6 තෙක් ඒ සඳහා අවස්ථාව ද පවතිනු ඇති බවයි මැතිවරණ කොමිසම සඳහන් කළේ.
තමාට ළඟින් ම පිහිටි ඡන්ද මධ්‍යස්ථාන සොයා ගැනීමට ප්‍රදේශය, තදාසන්න ප්‍රදේශය හෝ postcode එක මත පදනම්ව ඔස්ට්‍රේලියා මැතිවරණ කොමිසමේ වෙබ් අඩවියෙන් (Where can I vote in the 2025 election – Australian Electoral Commission) හැකියාව පවතිනවා.
