Brisbane හි 60 හැවිරිදි Donna Edwards ,GPA සහිත උපාධියක් හිමිකර මනෝවිද්‍යාඥයකු වීමට ආසන්නය.
එහෙත් පශ්චාත් උපාධි පාඨමාලාවකට ඇතුළුවීමට සීමිත ඉඩකඩ හේතුවෙන් ඇය අභියෝගයකට මුහුණ දී තිබෙනවා .
ඕස්ට්‍රේලියාවේ විශ්වවිද්‍යාල 40කින් බොහොමයකට එකවර ඉල්ලුම් කිරීම අපහසු බව ඇය පවසයි.
එම හේතුවෙන් නවසීලන්තයේ අවස්ථාවක් සොයා යාමට සිදුවන බවත්, නැතිනම් වෙනත් ක්ෂේත්‍රයකට යොමුවීමට සිදුවන බවත් ඇය සඳහන් කර තිබෙනවා.
ඕස්ට්‍රේලියාවේ මනෝවිද්‍යාඥ ඉල්ලුම COVID-19 පසු 70%කින් ඉහළ ගොස් ඇති නමුත්, පුහුණු අවස්ථා සීමිත බව වාර්තා වේ.
APS ප්‍රධාන විධායක ආචාර්ය Seena Burgess පවසන්නේ, එක් සිසුවකු තෝරාගන්නා විට 100කට ආසන්න පිරිසක් ප්‍රතික්ෂේප වන බවයි.
රජය විසින් 2023දී පශ්චාත් උපාධි ඉඩ 146ක් සහ ඉදිරි වසර 4ට තවත් 500ක් එකතු කළද, එය ප්‍රමාණවත් නොවන බව Burgess අවධාරණය කර තිබෙනවා.
විපක්ෂයේ සෞඛ්‍ය ඇමති Anne Ruston මානසික සෞඛ්‍යයට ඩොලර් බිලියනයක ආයෝජනයක් යෝජනා කර ඇති බවත් වාර්තා වේ.
