ඔස්ට්‍රේලියාවේ කාර්බහුලම අධිවේගී මාර්ගයක ගමන් ගත් ට්‍රක්රථයක තිබූ ලෝහ කැබලි මාර්ගයට විසිවීමෙන් වාහන සිය ගණනක ටයර්වලට හානි සිදුව තිබෙනවා.
මේ නිසා නිව් සවුත්වේල්ස් වෙරළ තීරයේ M1 Wyong පාරේ සිට Mount White දක්වා දකුණු දෙසට හයිවේ මාර්ගය වසා දමා ඇති බවයි පොලීසිය පවසන්නේ.
ටයර් වලට හානී වූ මෝටර් රථ සිය ගණනක් පාර අයිනේ නවතාගෙන ටයර් මාරු කිරීමට රියැදුරන්ට සිදු ව තිබෙනවා.
මේ අතර වාහන පැරණි පැසිෆික් අධිවේගී මාර්ගයට යොමු කර ඇති නමුත් එම මාර්ගය මේ වන විට අධික තදබදයට ලක්ව තිබෙනවා.
අධිවේගී මාර්ග ප්‍රධාන පොලිස් පරීක්ෂක තෝමස් බාන්ස් පැවසුවේ මෙවැනි තත්වයක් මීට පෙර නොසිදූ වු බවයි.
අනතුරට හේතු වූ NJ Ashton ට්‍රක් රථ සමාගමේ හිමිකරු පවසන්නේ ට්‍රක් රථයේ පිටුපසින් යකඩ කැබලි පිටතට විසිවීම එම රියදුරු කිසිසේත්ම දැන සිටියේ නැති බවත් මෙම අනතුර සම්බන්ධයෙන් සමාව අයැද සිටින බවයි..
