
සුදු වෑන් රථයකින් ළමයෙකු පැහැර ගැනීමට තැත්කළ සිද්ධියක් මෙල්බන් නගරයෙන් වාර්තා වනවා.
Parkdale හි ශාන්ත ජෝන් වියානි ප්රාථමික පාසලේ ඉගෙනුම ලබන මෙම දරුවා ඊයේ දහවල් පාපන්දු පුහුණුවීම් සඳහා ගමන් කරමින් සිටියදීයි මෙම සිද්ධියට මුහුණදී ඇත්තේ.
ඒ යන අතරතුර සුදු වෑන් රථයකින් පැමිණි පුද්ගලයා වාහනය තුළට එන ලෙස දරුවාගෙන් ඉල්ලීම් කර තිබෙනවා.

කෙසේවතත් දරුවා පාපන්දු පුහුණුවීම් සඳහා ඉක්මනින් ගමන් කළ අතර සිදුවූදේ පිළිබඳ වැඩිහිටියන්ට දැනුම් දී ඇති බවයි වාර්තා වන්නේ.
පාසලේ විදුහල්පති මයිකල් ෂින්ක් සිද්ධිය පිළිබද දෙමාපියන් දැනුවත් කර තිබෙනවා.

මේ අතර සිද්ධිය සම්බන්ධයෙන් පොලීසිය දැනුවත්කර ඇති නමුත් කිසිවෙකුත් මෙතෙක් අත්අඩංගුවට ගෙන නැහැ.