ඩොනල්ඩ් ට්‍රම්ප්ගේ තීරු බදු තීරණය ඔස්ට්‍රේලියානු විශ්‍රාමිකයන්ට ද හානිදායක ලෙස බලපා තිබෙනවා.
විශ්‍රාම වැටුප් උපදේශක සමාගමක් වන Chant West මෑතකදී හෙළිකළේ ඔස්ට්‍රේලියාවේ සුපර් ඇනුවේෂන් මූල්‍යායතනයේ මාර්තු මාසයේ ශේෂය සියයට 1.9 කින් පහත වැටී ඇති බවයි.
මෙම පහත වැටීම අප්‍රේල් මාසයේ සියයට 2 ක් වනු ඇති බවයි ඔවුන් අපේක්ෂා කරන්නේ.
ඇමරිකාව පැනවූ තීරු බදු මෙරට කොටස් වෙළඳපොළට දැඩි හානියක් සිදුකළ අතර එය සුපර්ඇනුවේෂන් මූල්‍ය ආයතනයේ කොටස් සඳහා ද දැඩිව බලපෑවා.
වයස අවුරුදු 65 ත් 69 ත් අතර ඔස්ට්‍රේලියානුවන් සඳහා සාමාන්‍යයෙන් විශ්‍රාම ශේෂය ඩොලර් 428,056 ක් බව සුපර්ඇනුවේෂන් මූල්‍ය ආයතනය පවසනවා.
මේ අතර විශ්‍රාමික අරමුදල් සපුරාලීමට කැමති ඔස්ට්‍රේලියානුවෙකුට දළ වශයෙන් වසරකට ඩොලර් 43,000 වැය වන අතර යුවළකට ඩොලර් 62,000 ක් පමණ වැය වනු ඇති.
