Colic රෝගයෙන් පෙළෙන කුඩා දරුවන්ට ලබාදෙන ජනප්‍රිය Therapeutic නිෂ්පාදනයක් නැවත කැඳවීමක් සිදුකර තිබෙනවා.
පසුගිය සතියේ BlissBaby නිෂ්පාදකයන්ගේ Lufti Colic Reliever නිෂ්පාදනය නැවත කැඳවීමක් සිදුකළා.
ඒ අනුව එය ඔස්ට්‍රේලියාවේ ලියාපදිංචි වී ඇති Therapeutic භාණ්ඩ ලැයිස්තුවෙන් ඉවත් කර ඇති බවයි වාර්තා වන්නේ.
Therapeutic Goods පරිපාලනයට නිෂ්පාදනයේ ආරක්ෂාව පිළිබඳ ප්‍රමාණවත් සාක්ෂි ලබාදීමට අපොහොසත් වී ඇති බවයි බලධාරීන් පවසන්නේ.
නිෂ්පාදනය මිලදී ගත් ඕනෑම අයෙකුට එය භාවිත නොකරන ලෙස හා BlissBaby වෙතින් ආපසු ගෙවීමක් ලබාගන්නා ලෙසයි පාරිභෝගිකයින්ට උපදෙස් දෙනු ලැබුවේ.
BlissBaby වෙබ් අඩවියට අනුව Lufti Colic Reliever 50,000 කට අධික සංඛ්‍යාවක් රට පුරා අලෙවි වී තිබෙනවා.
මෙම නිෂ්පාදනය මගින් බිළිඳන්ගේ සිරවී ඇති වායුව මුදාහැරීමට උපකාර කරන අතර අජීර්ණය, මලබද්ධය සඳහා ද යොදාගනු ලබන බවයි එහි නිෂ්පාදන ආයතනය කියාසිටියේ.
