මෙල්බර්න් හි නැගෙනහිර ප්‍රදේශයේ විනාශකාරී ප්‍රහාරයකින් මෝටර් රථ 30කට වැඩි ප්‍රමාණයකට හානි සිදු වී තිබෙනවා.
Anzac දින පැවති විනාශකාරී රැල්ලක් අතරතුර නවතා තිබූ මෝටර් රථවලටයි මෙලෙස හානි සිදුවී ඇත්තේ.
පොලිසිය පවසන්නේ කාන්තාවක් තියුණු වස්තුවක් මෝටර් රථ හරහා ඇදගෙන යන ආකාරය කැමරා කිහිපයක සටහන් වී ඇති බවයි.
ඉන් සිදුවූ හානිය ඩොලර් 100,000කට වැඩි බවයි වාර්තා වන්නේ.
ප්‍රහාරයට ලක්වූ වාහනවල හිමිකරුවන් 30 කට වැඩි පිරිසක් රක්ෂණ හිමිකම් ලබාගැනීම සදහා පොලිස් වාර්තා ඉල්ලා තිබෙනවා.
වික්ටෝරියා පොලිසිය පවසන්නේ කාන්තාවගේ මෙම ප්‍රහාරයට කිසිදු හේතුවක් සොයාගත නොහැකි බවයි.
කාන්තාව හඳුනා ගැනීම සදහා මෙහෙයුම් ක්‍රියාත්මක අතර ඒ් සදහා සහාය වන ලෙස පොලිසිය මහජනතාවගෙන් ඉල්ලා සිටිනවා.
