ඕස්ට්‍රේලියාවට සිදුවන සංක්‍රමණය අඩු කිරීම සඳහා Coalition පක්ෂය යෝජනා කරන වීසා කප්පාදු සැලැස්මෙන් Working holiday visas නිදහස් කර තිබෙනවා.
ජාතික සෙනෙට් සභික බ්‍රිජට් මැකෙන්සි ABC හි Insiders වැඩසටහනට පවසා ඇත්තේ සංක්‍රමණය අඩු කිරීමේ ඔවුන්ගේ සැලැස්ම යටතේ Working holiday visas කපා නොහරින බවයි.
විපක්ෂ නායක Peter Dutton මෙම අවසන් සතියේ ආසන 28 ක හදිසි මැතිවරණ මෙහෙයුමක් ආරම්භ කර තිබෙනවා.
මේ අනුව Dutton මේ වන විට මැතිවරණ ව්‍යාපාරයට මුළුමනින්ම යොමුව තිබෙන බව පෙනෙන්න තිබෙනවා.
මේ අතර නිවාස හිමිකම පිළිබඳ ප්‍රශ්නය කෙරෙහි ඔහු වැඩි අවධානයක් යොමු කර තිබෙනවා. මේ වන විට සිදු වන ජනගහනයේ අධිවර්ධනය නිවාස අර්බුදයක් ඇති කර තිබෙන බව ඔහු පවසනවා.
Peter Dutton පවසන්නේ එය වත්මන් රජයේ පසුගිය වසර තුනක නරක ප්‍රතිඵලයක් බවයි
මෙම අර්බුදයට විසඳුම ලෙසයි Coalition පක්ෂය සංක්‍රමණ කප්පාදුව යෝජනා කරන්නේ.
