වීදුරු සහ රත්තරන් වලින් සැකසුනු පාරාදීසයක් බඳු, ඩුබායි නගරය යනු ඕස්ට්‍රේලියානුවන්ගේ ප්‍රියතම නිවාඩු ගමනාන්තයක්. නමුත් එහි ඉතා අඳුරු පැතිකඩක් ද පවතිනවා.
පසුගිය මාසයේ දී යුක්‍රේන ජාතික නිරූපිකාවක් බරපතල තුවාල සහිතව ඩුබායි හි පාරක වැටී සිටිය දී සොයා ගැනීමෙන් පසුව මේ ගැන තොරතුරු රැසක් හෙළි වුණා.
අධික මුදලක් ගෙවීමේ පොරොන්දුව මත, ඕස්ට්‍රේලියානුවන් ඇතුළු විදේශීය නිරූපිකාවන් “ප්‍රභූ සාදයක අමුත්තෙකු” ලෙස ඩුබායි වෙත ගෙන්වාගෙන ඔවුන්ව භයානක හා පහත් ලිංගික ක්‍රියාවන් සඳහා යොදාගැනීම ෂෙයික්වරු විසින් සිදුකරනවා.
විවිධ භයානක අඩන්තේට්ටම් වලට ගොදුරුවන නිරූපිකාවන්ව පසුව පාරට විසිකර දැමීම සිදුවෙනවා.
ඩුබායි හි ප්‍රභූ සාදයන් පිළිබඳ තතු දන්නා අය පෙන්වා දෙන්නේ තරුණ ඕස්ට්‍රේලියානු කාන්තාවන් පොරොන්දු මත ෂෙයික්වරුන්ගේ යෝජනා වලට තවමත් ආකර්ෂණය වෙමින් ඇති බවයි.
ඩුබායි හී නීතිය අනුව ගණිකා වෘත්තියටත්, විවාහයෙන් පිටත ලිංගික සම්බන්ධතාවලටත් අවසර නැති නමුත් සමාජ මාධ්‍ය හරහා මෙම ගනුදෙනු රහසිගතව සිදු වෙනවා.
මේ වන විට ඕස්ට්‍රේලියානු කාන්තාවන් ගනනාවක් ලිංගික ගොදුරු බවට පත්ව තිබෙන බවත් වාර්තා වෙනවා.
