මැයි 3 වන දින, පැවැත්වීමට නියමිත ෆෙඩරල් මැතිවරණයේ දී මිලියන 1.4 ක් දෙනා සිය පළමු ඡන්දය ප්‍රකාශ කිරීමට සූදානම් වෙනවා.
මෙහි දී අලුත් ඡන්දදායකයන්ගේ වැඩිම අවධානය යොමුව තිබෙන්නේ දේශගුණික විපර්යාස, ජීවන වියදම සහ නිවාස ගැටලු විසඳුම සම්බන්ධයෙන් බව සමීක්ෂණ වලින් හෙළිව තිබෙනවා.
විශේෂයෙන්ම සමාජ මාධ්‍ය තුළ මේ ගැන සංවාද කැපී පෙනෙනවා. තරුණ ඡන්දදායකයන් දේශපාලන සම්බන්ධයෙන් සිය මතය ප්‍රකාශ කිරීමටත්, තීන්දු තීරණ ගැනීමටත් සමාජ මාධ්‍ය උපයෝගි කර ගන්නවා.
මෙවර පළමු වරට ඡන්දය ප්‍රකාශ කරන වික්ටෝරියා හි ඡන්දදායකයින්ගේ අදහස් සම්බන්ධයෙන් කෙරුණු සමීක්ෂණයක දී පෙනී ගොස් තිබුණේ ස්වදේශික සංහිඳියාව, නිවාස, වෛද්‍ය සේවා සහ HECS ණය ප්‍රතිසංස්කරණ ඔවුන්ගේ ප්‍රධාන ගැටළු බවයි.
ඒ අතර ස්ත්‍රී පුරුෂ සමානාත්මතාවය, පාරිසරික ගැටළු පිළිබඳ උනන්දුවක් දක්වා තිබුණා.
මේ ගැටලු විසඳීම ගැන දේශපාලනඥයින්ගෙන් වැඩි අවංකභාවයක් අලුත් ඡන්දදායකයන් බලාපොරොත්තු වෙනවා.
