ක්වින්ස්ලන්ඩ් ජාතික වනෝද්‍යානයේ දිය ඇල්ලකින් ඇද වැටීමෙන් කාන්තාවන් මියගොස් තිබෙනවා.
36 හැවිරිදි ඇය ඊයේ පස්වරුවේ සන්ෂයින් වෙරළ තීරයේ Mapleton දිය ඇල්ලෙදීයි මෙම අනතුර සිදුව ඇත්තේ.
එම කාන්තාව දිය ඇල්ලෙන් මීටර් 80 කින් පහළට වැටී ඇති බවයි හදිසි සේවා අංශ පවසන්නේ.
වෛද්‍යවරුන් තහවුරු කර ඇත්තේ සැලකිය යුතු තුවාල සහිතව කාන්තාව එම ස්ථානයේදී ම මරණයට පත්ව ඇති බවයි.
සුළු තුවාල ලැබූ 18 හැවිරිදි පිරිමි පුද්ගලයෙකුද නම්බෝර් රෝහලට ඇතුලත් කර තිබෙනවා.
කාන්තාවගේ මරණය සැකකටයුතු ලෙස නොසලකන බවයි ක්වින්ස්ලන්ඩ් පොලීසිය පැවසුවේ.
මෙම වසරේ සන්ෂයින් කෝස්ට් දිය ඇල්ලෙන් මිය ගිය 3 වන මරණය මෙය වනු ඇති.
