අමෙරිකා එක්සත් ජනපදය ශ්‍රී ලංකාවට පනවා ඇති ‘ඉහළ තීරුබදු’ සම්බන්ධ සාකච්ඡා සාර්ථක වී ඇතැයි ජනාධිපති අනුර කුමාර දිසානායක පවසනවා.
ඒ සම්බන්ධයෙන් දෙපාර්ශවයම ඒකාබද්ධ ප්‍රකාශයක් සිදුකිරීමට නියමිත බවයි ජනාධිපතිවරයා ඊයේ පස්වරුවේ පැවති ජන රැළියකදී කියාසිටියේ.
පළාත් පාලන ඡන්ද විමසීම ඉලක්ක කර ජාතික ජන බලවේගය සංවිධාන කරන, ජය නියතයි – ගම අපිටයි” ජන රැලි මාලාවේ තවත් රැලියක් ඊයේ පස්වරුවේ රත්නපුරයේදී පැවැත්වුණා.
සොරකම් කළ අයට දෙන දඩුවම් ලබාදීම ප්‍රමාදවීම සම්බන්ධයෙන් නීතිපති දෙපාර්තමේන්තුව සමග සාකච්ඡාවක් සිදුකළ කර ඇති බවයි ජනාධිපතිවරයා එහිදී දැනුම් දුන්නේ.
ඉදිරියේදී නඩු රැසක් මහාධිකරණයේ පවරන බවට නීතිපති දෙපාර්තමේන්තුව දැනුම්දුන් බව ජනාධිපති අනුර කුමාර දිසානායක අවධාරණය කළා.
