මෙල්බර්න් හි පිටත මායිමේ පිහිටි මෙල්ටන් (Melton) නගරය තුළ තදාසන්න ප්‍රදේශවලට පසුගිය මූල්‍ය වර්ෂයේ වැඩිම නව සංක්‍රමණිකයින් ගේ පැමිණීමක් වාර්තා වී තිබෙනවා.
ප්‍රසිද්ධ පාසල්, දැරිය හැකි මිල ගණන් සහිත දේපළ මෙම සංක්‍රමණ වලට ප්‍රධාන හේතු කිහිපයක් බවයි ABS දත්ත වල දැක්වෙන්නේ.
විශාලතම වර්ධනයක් ඇති අනෙකුත් ප්‍රදේශ අතරට මෙල්බර්න් හි නිරිත දෙසින් Clyde, සිඩ්නි හි වයඹ දෙසින් පිහිටි Box Hill සහ සිඩ්නි හි බටහිරින් මාර්ස්ඩන් පාර්ක් (Marsden Park) ඊට ඇතුළත්.
එම ප්‍රදේශවල ජන ගහණය වර්ධනයට හේතු ලෙස විදේශීය සංක්‍රමණ, ප්‍රාන්ත අතර සංක්‍රමණ සහ ස්වාභාවික උපත් හඳුන්වා දී තිබෙනවා.
2000 වසරේ සිට ඕස්ට්‍රේලියාවට සංක්‍රමණය වූ ස්ථිර සංක්‍රමණිකයන්ගෙන් බහුතරයක් 2021 සංගණන දත්ත වලට අනුව සිඩ්නි හෝ මෙල්බර්න් අවට තදාසන්න නගර වෙත පැමිණ ඇති බව සඳහන්.
මෙල්ටන් නගරාධිපති ස්ටීව් අබූෂි පැවසුවේ වික්ටෝරියා ප්‍රාන්තය සඳහා මෙල්ටන් ප්‍රදේශය වැඩිම සංක්‍රමණිකයින් සංඛ්‍යාවකගේ බර උසුලන බවයි.
මෙල්ටන් හි සෑම වසරකම නිවාස 5,500 ක් ඉදිකරන අතර, 2051 වන විට සංශෝධිත නිවාස ඉලක්කය නිවාස 109,000 ක්.
මෙල්ටන් නගරාධිපති ස්ටීව් අබූෂි බලධාරීන්ගෙන් ඉල්ලා සිටියේ නිවාස අර්බුදය පිළිබඳව වඩා හොඳ සැලසුමක් ලබා දෙන ලෙසයි.
https://www.abc.net.au/news/2025-04-21/immigration-debate-federal-election/105182544
