නිව් සවුත්වේල්ස් උතුරු වෙරළ තීරයේ ගල්වැටි අතරට ඇද වැටීමෙන් කුඩා දරුවෙකු මියගොස් තිබෙනවා.
ඔස්ට්‍රේලියාව් දියේ ගිලීමෙන් පුද්ගලයින් 6 දෙනෙකු මියයාමෙන් පසුව ඔහුගේ මරණය වාර්තා වන අතර තවත් අයෙක් තවමත් අතුරුදන් බවයි පොලීසිය පවසන්නේ.
ඊයේ සවස 3 ට පමණ නිරිත දිග රොක්ස් වෙරළ තීරයට හදිසි සේවා කැඳවා ඇත්තේ නව හැවිරිදි දරුවෙකු ගල් අතර සිරවී සිටින බවට දන්වමින්.
හදිසි සේවා අංශ ඔහුව පිටතට ගැනීමට සමත්වූ නමුත් ඔහු එම ස්ථානයේදීම මියගොස් සිට තිබෙනවා.
මේ අතර ඊයේ පෙරවරුවේ සිඩ්නි නගරයේ දකුණු ප්‍රදේශයේ මුහුදේ ගසාගෙන යාමෙන් ධීවරයෙකු මියගොස් තවත් තරුණයෙකු රෝහල්ගත කර තිබුණා.
එය පාස්කු දිනයේ දියේ ගිලී මියගිය 6 වන මරණය බවයි වාර්තා වන්නේ.
පාස්කු ඉරිදා නිව් සවුත්වේල්ස් හි දිවි බේරාගත් පුද්ගලයින් සංඛ්‍යාව 50 ක් වන අතර මහ සිකුරාදා සිට තවත් ජීවිත සියයක් පමණ බේරාගැනීමට හැකිවූ බව ජීවිත ආරක්ෂක කණ්ඩායම් කියාසිටියා.
