ඊශ්‍රායල ප්‍රහාරයක් හේතුවෙන් අත් දෙකම අහිමි වූ තරුණ පලස්තීන පිරිමි ළමයෙකුගේ ඡායාරූපයක් වසරේ ලෝක මාධ්‍ය ඡායාරූපය ලෙස ගෞරවයට පාත්‍ර වී තිබෙනවා.
කටාර්හි පලස්තීන ඡායාරූප ශිල්පී සමාර් අබු එලූෆ් විසින් නිව් යෝර්ක් ටයිම්ස් සගරාව සදහායි මෙම ඡායාරූපය ගෙන ඇත්තේ.
වයස අවුරුදු 9 ක් වන මෙම දරුවාගේ දෑත් උරහිසට පහලින් අතුරුදන්ව ඇති ආකාරය මෙම ඡායාරූපයේ දැක්වෙනවා.
දෑත් අහිමි බව දැනගත් විගස සිය දරුවා තමා සමග ප්‍රකාශ කල කරුණක් සම්බන්දයෙන් දරුවාගේ මව සිහිපත් කරන්නේ ඉතා කණගාටුවෙන්.
අම්මේ මම දැන් ඔබ වැලද ගන්නේ කෙසේදැයි සිය දරුවා ඇසූ ආකාරය තමාට කිසිදා අමතක නොවන බවයි එම කාන්තාව පවසන්නේ.
රටවල් 141 ක ඡායාරූප ශිල්පීන් 3778 දෙනෙකු විසින් ඉදිරිපත් කරන ලද ඡායාරූප 59,320 කින් ජයග්‍රාහී ඡායාරූපය තෝරාගෙන තිබෙනවා.
