BMW ඔස්ට්‍රේලියාවේ අලෙවි කළ වාහන 270 කට වැඩි ප්‍රමාණයක් නැවත කැඳවීමක් සිදුකර තිබෙනවා.
නැවත කැඳවීම් සිදුකර ඇත්තේ 2024 – 2025 සිට අලෙවි වූ 520i සහ X3 යන වාහන සඳහා යි.
නිෂ්පාදන දෝෂයක් හේතුවෙන් වාහනයේ ආරම්භක උත්පාදක යන්ත්‍රය තුළ විදුලි සම්බන්ධතාවයක ඇති ගැටළුවක් මීට හේතුව බවයි එම නිවේදනයේ දැක්වෙන්නේ.
එමගින් රිය පැදවීමේදී හදිසි බලය අහිමි වනු ඇති බවයි BMW සමාගම සැක පළ කරන්නේ.
එමෙන්ම දෝෂ සහිත සම්බන්ධතාවය මත අධික තාපයක් ජනනය වීමෙන් වාහනය ගිනි ගැනීමට ද හැකි බව සමාගම පෙන්වාදෙනවා.
බලපෑමට ලක්වූ වාහන හිමිකරුවන් වහා ඔවුන්ගේ බලයලත් BMW අලෙවි නියෝජිතයා අමතා අළුත්වැඩියා කටයුතු නොමිලේ සිදු කළ හැකි වනවා.
මේ අතර බලපෑමට ලක් වූ මෝටර් රථ හඳුනාගැනීමේ අංක ලැයිස්තුවක් ප්‍රවාහන දෙපාර්තමේන්තු වෙබ් අඩවියේ ඔස්සේ ලබාගත හැකියි.
