මෙල්බන් හි ආයුධ සන්නද්ධ මංකොල්ලකෑම් 8 ක් සම්බන්ධයෙන් තරුණයින් 5 දෙනෙකුට චෝදනා එල්ල වී තිබෙනවා.
ඊයේ රාත්‍රී 8 සිට අද අලුයම 1 දක්වා කාලයේ සිගරට් වෙළඳසැල් සහ සේවා මධ්‍යස්ථාන ඉලක්ක කර ගනිමින් මෙම පිරිස මංකොල්ලකෑම් සිදුකර ඇති බවයි පොලීසිය පවසන්නේ.
අත්අඩංගුවට පත්වූවන් වයස අවුරුදු 15 ත් 19 ත් අතර වයස්වල පසුවන්නන් වනවා.
ප්‍රදේශවාසීන් පැමිණිලිකර ඇත්තේ මංකොල්ලකරුවන් කළු පැහැයෙන් සැරසී ආයුධ සන්නද්ධව මෙල්බන් හි නැගෙනහිර දෙසින් ගමන් කර ඇති බවයි.
මෙම පිරිස වෑන් රථයකින් ඊයේ රාත්‍රී 8 ට පමණ මෙල්බන් හි කිරි හළක මංකොල්ලකෑමක් සිදුකර තිබෙනවා.
පසුව සිගරට් වෙළඳ සැලක් කොල්ලකා ඇති බවයි වාර්තා වන්නේ.
අනතුරුව මොවුන් පස් දෙනා සුනඛ බලකායේ සහය ඇතිව අත්අඩංගුවට පත්වූ බවයි වික්ටෝරියා පොලීසිය කියාසිටියේ.
මෙම තරුණයින් අද මෙල්බන් මහේස්ත්‍රාත් අධිකරණයට ඉදිරිපත් කිරීමට නියමිතයි.
