බ්‍රසීලය රටවල් තුනක පුරවැසියන්ට වීසා බලපත්‍ර නොමැතිව ඇතුළුවීම තවදුරටත් තහනම් කර තිබෙනවා.
ඒ අනුව පසුගිය අප්‍රේල් 10 වනදා සිට එක්සත් ජනපදය, කැනඩාව සහ ඔස්ට්‍රේලියා පුරවැසියන්ට වීසා බලපත්‍රයක් නොමැතිව රටතුළට ඇතුළුවීම තහනම් වනු ඇති.
සංචාරක සහ ව්‍යාපාර දිරිමත් කිරීම වෙනුවෙන් වසර 6 ක් පැවති වීසා රහිත ප්‍රතිපත්තිය අවසන් කරමින් බ්‍රසීල රජය මෙම පියවර ගෙන තිබෙනවා.
ජාත්‍යන්තර සංචාරක ප්‍රතිපත්තිවල පරස්පරතා අවධාරණය කරමින් සංචාරකයින්ට ක්‍රමවත් වීසා ක්‍රියාවලියක් හරහා අයදුම්කළ හැකි බවයි ඔවුන් පවසන්නේ.
ඒ අනුව සංචාරකයින්ට කල්තියා වීසා බලපත්‍රයක් සඳහා ඉල්ලුම් කිරීමට අවශ්‍ය වනු ඇති බවයි බ්‍රසීල රජය කියාසිටියේ.
