ඔස්ට්‍රේලියාවේ අලුත උපන් දරුවන්ට වඩාත් ජනප්‍රියතාවයෙන් යුත් නාමයන් ප්‍රකාශයට පත්කර තිබෙනවා.
McCrindle පර්යේෂණ සමාගමක් විසිනුයි 2024 වසරේ ඔස්ට්‍රේලියා ප්‍රාන්තයන් හි ඉහළම නම් විශ්ලේෂණය කිරීමෙන් පසු පිරිමි ළමුන් සහ ගැහැණු ළමුන් සඳහා හොඳම ළදරු නම් 10 නම් කෙරුණා.
Oliver පිරිමි ළමයින් සඳහා වඩාත් ජනප්‍රිය නාමය ලෙස ඉහළම ස්ථානයේ රැඳී සිටින අතර Charlotte ගැහැණු ළමයින් අතර වඩාත් ජනප්‍රිය නාමය වනවා.
Oliver සහ Charlotte යන නම් 2010 සිට 2024 දී උපත ලැබූ ඇල්ෆා පරම්පරාවේ ඉහළම නම් ලෙස සනිටුහන් කරනවා.
McCrindle ට අනුව ජෙනරල් ඇල්ෆා Oliver යන නාමය 30,818 කට යොදා ඇති අතර Charlotte ලෙස 24,256 ක් භාවිතා කර ඇති බවයි වාර්තා වන්නේ.
2024 වසරේදී Lily සහ Ava නාමයන් දෙකම වඩාත් ජනප්‍රිය ගැහැණු නාම ලැයිස්තුවෙන් මේ වනවිට ඉවත්ව ඒ වෙනුවට Sophie සහ Grace පැමිණ තිබීම විශේෂත්වයක්.
මේ වසරේ පෙබරවාරි මාසයේදී ඔස්ට්‍රේලියානුවන් 1517 දෙනෙකුගේ සමීක්ෂණයට අනුව වර්තමාන සහ අපේක්ෂිත දෙමාපියන් දරුවාගේ නම් තේරීම් සඳහා වැඩි අවධානයක් යොමුකරනු ඇති බවයි වාර්තා වන්නේ.
2025 වසරේ උපත ලැබූ දරුවන් බීටා පරම්පාරවට අයත් වන අතර ගැහැණු ළමුන් සඳහා Millie, Maeve, Remi සහ Margot ද පිරිමි ළමුන් සඳහා Ezra, Beau, Theo සහ Roman ජනප්‍රියත්වය උසුලනු ලබනවා.
