මෙල්බන් හි පොලිස් වෙඩි පහරට ලක්වූ කාන්තාව හෙට අධිකරණයට ඉදිරිපත් කිරීමට නියමිතයි.
පසුගිය අප්‍රේල් 4 වන දින මුල්ග්‍රේව් හි පොලිස් පාරේ මෙම කාන්තාව සිදුකළ සොරකමක් නැවැත්වීමට පොලීසිය වෙඩි ප්‍රහාර එල්ල කර තිබෙනවා.
මේ වනවිට රෝහල් ගතව සිටින 28 හැවිරිදි මෙම කාන්තාව සතුව තිබී තුවක්කුවක් ද හමුවී ඇති බවයි වාර්තා වන්නේ.
ඇය අත්අඩංගුවට ගැනීමේ මෙහෙයුම පැය 12 ක් පමණ පැවති බවයි මෙල්බන් පොලිසිය කියාසිටින්නේ.
මෝටර් රථ සොරකම, සන්නද්ධව මංකොල්ලකෑමට තැත් කිරීම ඇතුළු තවත් චෝදනා කිහිපයක් හේතුවෙන් ඇයට එරෙහිව නඩු පවරා ඇති බවයි වාර්තා වන්නේ.
ඇය හෙට මෙල්බර්න් මහේස්ත්‍රාත් අධිකරණයට ඉදිරිපත් කරනු ඇති.
