වර්ජින් ඔස්ට්‍රේලියා පසුගිය වසර 5 තුළ ගුවන් මගීන් 61,000 කට ආපසු ගෙවීම් සිදුකර ඇතැයි හෙළිවී තිබෙනවා.
ගුවන් මාර්ගය වෙනස් කිරීම් සඳහා අධික ගාස්තු අය කිරීමකින් අනතුරුව මෙම ගෙවීම් සිදුකර ඇති බවයි වාර්තා වන්නේ.
ගුවන් සමාගම පැවසුවේ පාරිභෝගික ගමන් මාර්ගවල සිදුකරන ලද වෙනස්කම්වලින් පසු ප්‍රවේශ පත්‍ර මිලකරණ පද්ධතිවල දෝෂයක් නිරීක්ෂණය වූ බවයි.
මෙම දෝෂ සිදුවී ඇත්තේ 2020 අප්‍රේල් මස 21 වනදා සිට 2025 මාර්තු 31 දක්වා කාලය තුලයි.
ඒ අනුව මෙම කාලය තුළ සිදුකරන ලද වෙන්කිරීම්වලින් සියයට 0.1 ක මගීන් ප්‍රමාණයකට මෙය බලපා ඇති බව වර්ජින් ඔස්ට්‍රේලියා සමාගම් ප්‍රකාශකයෙකු සඳහන් කළා.
බලපෑමට ලක්වූ ගණුදෙණුකරුවන් ගුවන් සමාගම විසින් සම්බන්ධ කර ගනු ලබන අතර ඩොලර් 55 ක මුදලක් ආපසු ගෙවනු ලබනවා.
