අමෙරිකානු ජනාධිපති ඩොනල්ඩ් ට්‍රම්ප් විසින් වහාම ක්‍රියාත්මක වන පරිදි ශ්‍රී ලංකාව, ඔස්ට්‍රේලියාව ඇතුළුව රටවල් රැසක ප්‍රකාශයට පත්කරනු ලැබූ තීරු බදු පැනවීම මාස 3 කාලයක් සඳහා අත්හිටුවා තිබෙනවා.
ට්‍රම්ප්ට එරෙහිව රට තුළ පැනනැගුණු දේශපාලන විවේචන මෙම තීරණයට හේතුවන්නට ඇති බවයි වාර්තා වන්නේ.
කෙසේවෙතත් ට්‍රම්ප් මීට පෙර ප්‍රකාශ කර සිටියේ “ MY POLICIES WILL NEVER CHANGE.” මගේ ප්‍රතිපත්ති කිසිවිටෙකත් වෙනස් නොවන බවයි.
කෙසේ නමුත් චීනයට එරෙහි තීරු බද්ද තවත් ඉහළ නංවා තිබෙනවා.
ඒ ඊයේ චීනයට 104% පැන වූ බද්ද 125% දක්වා වැඩි කරමින්.
ඊයේ සිට ක්‍රියාත්මක වන පරිදි චීන ආනයන සඳහා අමෙරිකාව 104%ක තීරු බද්දක් පැනවුවා.
ඊට ප්‍රතිචාර ලෙස චීන මුදල් අමාත්‍යාංශය ඊයේ පස්වරුවේ නිවේදනය කළේ අමෙරිකානු ආනයන සඳහා 84%ක තීරු බද්දක් පනවන බවයි.
ඒ අනුව චීනයේ එම තීරණයට පිළිතුරු ලෙස අමෙරිකාව යළිත් වරක් මෙලෙස තීරු බදු ප්‍රතිශතය ඉහළ දමා ඇති බවයි ධවල මන්දිර වාර්තා පවසන්නේ.
