සිඩ්නි හි ඇන්සාක් පාලමේ වැරදි දිශාවට බයිසිකලය පැදවූ පුද්ගලයෙකුට ඩොලර් දස දහසකට අධික දඩයක් නියම වී තිබෙනවා.
ඩෑෂ් කැමරාවල දැක්වෙන්නේ 35 හැවිරිදි මෙම පුද්ගලයා බයිසිකලය මෝටර් රථ දෙසට ගමන් කරන විට රියදුරන් කලබලයට පත්වන ආකාරය යි.
මෙය භයානක මෙන්ම වගකීම් විරහිත ක්‍රියාවක් බවයි නිව් සවුත්වේල්ස් පොලීසිය පවසන්නේ.
ඔහු සිය ජීවිතය මෙන්ම අන් රියදුරන්ගේ ජීවිත ද අනතුරට ලක්කරන බව NSW පොලීසිය කියාසිටියා.
රථ වාහන තදබදයක් ඇති කිරීම, හිස් වැස්මක් නොපැළඳීම සහ නොසැලකිලිමත් ලෙස රිය පැදවීම ඔහුට එරෙහි චෝදනා වනවා.
මේ වසරේ මේ වනවිට පාපැදි අනතුරුවලින් මියගිය සංඛ්‍යාව 5 ක් වන අතර පසුගිය වසරේ 1800 කට වැඩි පාපැදි කරුවන් පිරිසක් අනතුරුවලින් තුවාල ලබා ඇති බවයි වාර්තා වල දැක්වෙන්නේ.
