මහා බාධක කොරල් පරය ආශ්‍රිතව පිහිටා ඇති කුඩා දූපතක් සංචාරක කේන්ද්‍රස්ථානයක් බවට පත්කිරීමට ක්වීන්ස්ලන්ඩ් ප්‍රාන්ත රජය සැලසුම් කර තිබෙනවා.
ඒ අනුව කෙයාන්ස් නගරයට උතුරින් පිහිටා ඇති Double Island නම් දූපත ඩොලර් මිලියන ගණනක ආයෝජනයක් සිදුකර සංවර්ධනය කිරීමටයි සැලසුම් කර ඇත්තේ.
ඒ හරහා සංචාරක ආකර්ෂණය ඉහළ නංවා ගැනීමටද ක්වීන්ස්ලන්ඩ් රජය අපේක්ෂා කරනවා.
2032 වසරේදී පැවැත්වීමට නියමිත බ්‍රිස්බන් ඔලිම්පික් සහ පැරලිම්පික් ක්‍රීඩා උත්සව හේතුවෙන් ප්‍රාන්තයට පැමිණෙන සංචාරකයන්ගේ සංඛ්‍යාව කැපීපෙනෙන ලෙස ඉහළ යනු ඇතැයි අපේක්ෂිතයි.
එම අවස්ථාවද ප්‍රයෝජනයට ගෙන Double Island දූපත සංචාරක කේන්ද්‍රස්ථානයක් බවට පත් කිරීමටයි ක්වීන්ස්ලන්ඩ් රජය සැලසුම් කරමින් සිටින්නේ.
