මෙල්බන් වෙළඳ සැලකින් ඩොලර් දස දහස් ගණනක් වටිනා සුඛෝපභෝගී භාණ්ඩ රැසක් සොරාගෙන ඇතැයි පොලීසිය පවසනවා.
මෙල්බන් හි David Jones සාප්පුවයි මෙලෙස කොල්ලකෑමට ලක්ව ඇත්තේ.
පොලිසිය පවසන්නේ සොරුන් වෙළඳසැලේ පසුපස ගේට්ටුවට පහර දී සාප්පුවට ඇතුළු වී ඩොලර් දහස් ගණනක් වටිනා සුඛෝපභෝගී අත්බෑග් සොරකම් කර සුදු පැහැති රථයකින් පළාගොස් ඇති බවයි.
එය මෙල්බන් නගරයේ මාසයක් තුළ සිදුවූ 4 වන සුපිරි වෙළඳසැල් සොරකම බව පොලීසිය සඳහන් කළා.
මෙල්බන් සාප්පු සඳහා වැඩි ආරක්ෂාවක් සපයාදෙන ලෙසයි වෙළඳ සංගම් වික්ටෝරියා පොලීසියෙන් ඉල්ලා සිටින්නේ.
මේ අතර වික්ටෝරියාවේ පසුගිය වසරේ වෙළඳසැල් සොරකම් සියයට 90 කින් පමණ ඉහළ ගොස් ඇති බව වාර්තාවල දැක්වෙනවා.
