ඔස්ට්‍රේලියාවට පැමිණෙන ජාත්‍යන්තර සිසුන්ගේ සංඛ්‍යාව කැපීපෙනෙන ලෙස අඩු කිරීමට විපක්ෂ ලිබරල් සන්ධානය සූදානම් වනවා.
ලබන 03 වනදාට යෙදී ඇති ෆෙඩරල් මැතිවරණය ජයගතහොත් වසරකට නිකුත් කරන ශිෂ්‍ය වීසා සංඛ්‍යාව 80,000 කින් පමණ කපාහරින බවයි විපක්ෂ නායක පීටර් ඩට්න් පවසන්නේ.
එමගින් ඔස්ට්‍රේලියාවේ ප්‍රධානතම නගර දෙක වන සිඩ්නි සහ මෙල්බන්වල දැනට පවතින නිවාස අර්බුදය විසඳීමට හැකිවනු ඇතැයිද ඔහු අනාවැකි පළ කරනවා.
පසුගිය මාස 12 ක කාලය තුළදී වත්මන් ලේබර් පක්ෂ රජය යටතේ ශිෂ්‍ය වීසා නිකුත් කිරීම සියයට 65 කින් ඉහළ ගොස් ඇති බවටද විපක්ෂ නායකවරයා චෝදනා කරනවා.
මේ අතර ඔස්ට්‍රේලියාවේ විශ්වවිද්‍යාල පාඨමාලා සඳහා බඳවාගන්නා විදෙස් සිසුන්ගේ ප්‍රතිශතය සියයට 25 ක උපරිමයකට යටත් කිරීමටද ලිබරල් සන්ධානය සැලසුම් කර තිබෙනවා.
ඒ හරහා දේශීය සිසුන්ට වැඩි අවස්ථාවක් ලබාදීම අපේක්ෂාව බවයි පීටර් ඩට්න් අවධාරණය කරන්නේ.
