තමන් බලයට පත්වුවහොත් රට තුළ උද්ගත වී ඇති නිවාස අර්බුදය විසඳීමට කටයුතු කරන බවට විපක්ෂ ලිබරල් සන්ධානයේ නායක පීටර් ඩට්න් ප්‍රකාශ කර තිබෙනවා.
අද (06) උදෑසන මෙල්බන් හි McEwen මැතිවරණ බල ප්‍රදේශයේ පැවති ප්‍රචාරණ වැඩසටහනක් අතරතුරදීයි ඔහු මේ බව සඳහන් කර ඇත්තේ.
ඒ අනුව ඔස්ට්‍රේලියාවේ නිවාස ගැටලුව විසඳීම සඳහා නව නිවාස 500,000 ක් ඉදිකරන බව විපක්ෂ නායකයා මෙහිදී අවධාරණය කළා.
තම රජයක් යටතේ ඩොලර් බිලියන 05 ක මුදලක් ඒ සඳහා වෙන්කරන බවයි පීටර් ඩට්න් පොරොන්දු වී ඇත්තේ.
මාධ්‍ය වෙත අදහස් දැක්වූ ඔහු පෙන්වා දුන්නේ තරුණ ඔස්ට්‍රේලියානුවන්ගේ නිවාස හිමිකම පිළිබඳ සිහිනය බොඳ වෙමින් පවතින බවයි.
විපක්ෂ ලිබරල් සන්ධානය විසින් යෝජනා කර තිබෙන නව නිවාස ප්‍රතිපත්තියට අනුව ඉදිරියේදී ජාත්‍යන්තර ශිෂ්‍ය කප්පාදුවක්ද සිදුවනු ඇති.
