සංචාරකයන්ගෙන් ඇඳ බද්දක් (Bed Tax) අයකිරීමට සූදානම් වන බවට පළවන වාර්තා ක්වීන්ස්ලන්ඩ් ප්‍රාන්ත රජය ප්‍රතික්ෂේප කරනවා.
ප්‍රාන්ත අගමැති ඩේවිඩ් ක්‍රිසෆුලි අවධාරණය කරන්නේ එවැනි කිසිදු තීන්දුවක් මෙතෙක් ගෙන නොමැති බවයි.
මෙවැනි බද්දක් සම්බන්ධයෙන් නගර සභා සහ ප්‍රාදේශීය කවුන්සිල ප්‍රාන්ත රජයෙන් කළ විමසීමකට ප්‍රතිචාර දක්වමිනුයි අගමැතිවරයා මේ බව පවසා ඇත්තේ.
ඒ හා සම්බන්ධ තීරණයක් ගතහොත් ක්වීන්ස්ලන්ඩ් ප්‍රාන්තයට පැමිණෙන සංචාරකයන් සංඛ්‍යාව තවත් අඩුවනු ඇතැයි ද ඔහු සඳහන් කර සිටිනවා.
එවැනි වාතාවරණයක් ඇතිවීමට තමන් කිසිදු ඉඩක් නොදෙන බවයි ක්වීන්ස්ලන්ඩ් අගමැතිවරයා අවධාරණය කරන්නේ.
