Daylight saving ක්‍රමවේදය අවසන් කිරීම හේතුවෙන් ඔස්ට්‍රේලියාවේ ප්‍රාන්ත රැසක වේලාව හෙට අලුයම සිට වෙනස් වීමට නියමිතව තිබෙනවා.
මේ අනුව Daylight saving ක්‍රමවේදය ක්‍රියාත්මක කරනු ලබන ප්‍රාන්තවල ඔරලෝසු වේලාව පැයක් ආපස්සට ගැනීම සිදු වනු ඇති.
නිව් සවුත් වේල්ස්, ACT, වික්ටෝරියා, දකුණු ඔස්ට්‍රේලියාව සහ ටස්මේනියා ප්‍රාන්ත Daylight saving ක්‍රමවේදය ක්‍රියාත්මක කරන අතර ක්වීන්ස්ලන්ඩ්, බටහිර ඔස්ට්‍රේලියාව සහ Northern Territory එය අනුගමනය කරන්නේ නැහැ.
මේ අනුව Daylight saving ක්‍රියාවලිය අනුගමනය කරන ප්‍රාන්තවල හෙට අලුයම 3.00 ට වේලාව පැයක් පසුපසට ගැනීමෙන් එය අලුයම 2.00 ලෙසට වෙනස් කිරීම සිදු වනවා.
නැවත වරක් ඔක්තෝබර් මාසයේ සිට නිව් සවුත් වේල්ස්, කැන්බරා අග නගර කලාපය (ACT), වික්ටෝරියා සහ ටස්මේනියා ප්‍රාන්ත Daylight saving කලාපයේ පවතිනු ඇති.
