එමිරේට්ස්, ඔස්ට්‍රේලියාවේ සිය පළමු පන්තියේ මගීන් වෙනුවෙන් අලුත්ම වෙනසක් සිදුකර තිබෙනවා.
‘Game Changer’ ලෙස හැඳින්වෙන මෙම සුපිරි අත්දැකීම මෙම සතියේ සිට පළමු පන්තියේ මගීන් වෙනුවෙන් ලබාගත හැකි බවයි එමිරේට්ස් ගුවන් සමාගම පවසන්නේ.
ඒ අනුව එමිරේට්ස් හි Boeing 777-300ER දරණ ගුවන් යානයේ සුපිරි කැබින් 4 ක් හඳුන්දී ඇති බව එමිරේට්ස් සමාගම කියාසිටියා.
එම සුවිශේෂී පළමු පන්තියේ කැබින් ඔස්ට්‍රේලියාවට හඳුන්වාදුන් පළමු සමාගම ලෙසද එමිරේට්ස් පත්වනවා.
එය මෙල්බන් සිට ඩුබායි දක්වා පියාසර කරන එමිරේට්ස් හි තුන්වන සෘජු ගුවන් සේවාව වනු ඇති.
මෙම ගුවන් යානය Mercedes-Benz S- ආකාරයෙන් නිර්මාණය කර ඇති අතර, එහි ඇති උසස් තාක්ෂණික මෙවලම් මෙන්ම ඉඩකඩ සහිතව මනා පෙනුම සුවිශේෂී නිර්මාණයක් බවයි සමාගම පවසන්නේ.
සුඛෝපභෝගී විනෝදාස්වාදයක් මෙන්ම සුපිරි ආහාර බොජුන් රසවීඳීමේ අවස්ථාවද එමිරේට්ස් මගින් ඔස්ට්‍රේලියානුවන්ට දැන් උදාවී තිබෙනවා.
