දශක දෙකකට ආසන්න කාලයක් සිරගතව සිටි ඔස්ට්‍රේලියාවේ පාතාල කල්ලි නායකයෙක් අද ඇප මත මුදාහැර තිබෙනවා.
59 හැවිරිදි Tony Mokbel අද උදෑසන බන්ධනාගාරයේ සිට දැඩි රැකවල් මත මෙල්බන් අධිකරණයට රැගෙන ආ බවයි වාර්තා වන්නේ.
ඩොලර් මිලියන ගණනක මත්ද්‍රව්‍ය ජාවාරම් සම්බන්ධයෙන් නායකත්වය දැරීම ඔහුට එරෙහි චෝදනාවයි.
පාතාල කල්ලි නායකයා සිය නීතීඥයා හරහා ඇප ඉල්ලුම්කර තිබෙනවා.
ඒ අනුව අපරාධකරුගේ අයපත් සෞඛ්‍ය තත්වය සලකා ඔහු ඇප මත නිදහස් කිරීමටයි අභියාචනාධිකරණ විනිසුරුවරුන් තුන් දෙනෙකු අද තීන්දු කර ඇත්තේ.
ඔහුගේ සහෝදරිය විසින් ඩොලර් 850,000 ක ශරීර ඇපයක් ලබාදී ඇති අතර දිනපතා පොලීසියට වාර්තා කිරීම ඇතුලු දැඩි ඇප කොන්දේසි සහිතව පාතාල කල්ලි නායකයා අද නිදහස් කරනු ලැබුවා.
