සිය පුතුගේ මරණය උපයෝගි කරගනිමින් ඩොලර් මිලියනයක මුදලක් වංචා කළ පියෙකු පිළිබඳව සිඩ්නි නගරයෙන් වාර්තා වනවා.
චූදිතයාගේ තුන් වැනි පුත්‍රයා 2003 වසරේදී සාප්පු මධ්‍යස්ථානයකදී අනතුරකින් මියගොස් තිබුණා.
පසුව මෙම පියා නඩුව ආවරණයට මුදල් අවශ්‍ය බව පවසමින් පුද්ගලයින්ගේ මුදල් එකතුකර ඇති බවයි පොලීසිය චෝදනා කරන්නේ.
පසුව වින්දිතයන්ට මුදල් ගෙවන බවට තීන්දුවීමෙන් අනතුරුව මොහු ඇපමත නිදහස් කර ඇති නමුත් මොහු විසින් දිගින් දිගටම මුදල් වංචා සිදුකර ඇති බවට වාර්තා වනවා.
ඒ අනුව මෙවර සෝදිසි කිරීමකදී මෙම පියා අත්අඩංගුවට ගෙන ඇති අතර වංචාවක් ලෙස මූල්‍යමය වාසි ලබාගැනීම හා රැවටීම ඔහුට එරෙහි චෝදනා වනවා.
