මෙල්බන් පෞද්ගලික පාසලක පිරිමි ළමුන් අතර ළමා අපයෝජන ඡායාරූපයක් හුවමාරුවීම සම්බන්ධයෙන් පොලීසිය විමර්ශන ආරම්භකර තිබෙනවා.
පාසලේ 10 වසරේ ළමුන් 20 දෙනෙකු අතර ගැහැණු ළමයෙකු අපයෝජන ලක්කරන ඡායාරූපයක් මෙලෙස හුවමාරු වී ඇති බවයි පොලීසිය පවසන්නේ.
එම පෞද්ගලික පාසලේම ගැහැණු දරුවෙකු බව පොලීසිය සැකපළකරනවා.
විදුහල්පතිවරයා පවසා ඇත්තේ දෙමාපියන්ගේ දැනුවත් කිරීම මත සිද්ධිය පිළිබඳ වික්ටෝරියා පොලීසියට දැනුම්දුන් බවයි.
ඊට අදාල සියලුම සිසුන්ගේ පවුල්වලට ද මේ පිළිබඳ දැනුවත් කළ බව පෞද්ගලික පාසලේ විදුහල්පතිවරයා ප්‍රකාශ කළා.
පසුගිය මාස 12 තුළ වික්ටෝරියා පාසල් තුළ මෙවැනි සිද්ධි රැසක් වාර්තා වූ බවයි වික්ටෝරියා පොලීසිය මාධ්‍යයට පවසා ඇත්තේ.
