2024 වසරේදී ඔස්ට්‍රේලියානුවන් විසින් Google හි වැඩියෙන්ම සොයන ලද දෑ සම්බන්ධයෙන් තොරතුරු හෙළිකර තිබෙනවා.
ඒ අනුව ප්‍රථම ස්ථානයට පත්ව ඇත්තේ අමෙරිකානු ජනාධිපතිවරණය පිළිබඳ තොරතුරුයි.
ඔලිම්පික් පදක්කම් ලැයිස්තුව දෙවන ස්ථානයටත් යුරෝපා පාපන්දු කුසලානය තුන්වන ස්ථානයටත් පැමිණ තිබුණු බවයි දැක්වෙන්නේ.
හදිසියේ මියගිය One Direction සංගීත කණ්ඩායමේ හිටපු සාමාජික ලියම් පේන් පිළිබඳ තොරතුරු හතරවන ස්ථානයට පත්ව තිබුණා.
ජනප්‍රිය ගායන ශිල්පිනී ටේලර් ස්විෆ්ට් පස්වන ස්ථානයට පත්ව තිබීමද විශේෂත්වයක්.
ඔස්ට්‍රේලියාවේ ජනප්‍රිය කවියෙකු Connections පිළිබඳ තොරතුරු හය වන ස්ථානයටත් කෝපා – අමෙරිකා කුසලානය පිළිබඳ තොරතුරු හත්වන ස්ථානයටත් පැමිණ තිබුණා.
පිළිවෙලින් අට වන ස්ථානයේ සිට දස වන ස්ථානය දක්වා හිමිකර ගෙන තිබුණේ පන්දුවාර 20 ක්‍රිකට් ලෝක කුසලානය, Ticketek (ටිකටෙක්) වෙබ් අඩවිය සහ පැරලිම්පික් ක්‍රීඩා උළෙල පිළිබඳ තොරතුරුයි.
