පදිකයන් 05 දෙනෙකුට තුවාල සිදු කරමින් මෙල්බර්න් හි Southbank ප්‍රදේශයේ ඊයේ රාත්‍රී සිදුවූ රිය අනතුරට සම්බන්ධ ට්‍රක් රථ රියදුරා අත්අඩංගුවට ගෙන තිබේ.
City Road සහ Power Street අතරදී ඊයේ රාත්‍රී 07 ට පමණ මෙම අනතුර සිදුවූ අතර තුවාල ලැබූවන් අතුරින් දෙදෙනෙකුගේ තත්වය බරපතල බව සඳහන්.
අනතුර සිදුකිරීමෙන් පසු ට්‍රක් රථ රියදුරා පළාගොස් තිබුණා.
අනතුරුව වෙනත් රියදුරෙකු දුන් තොරතුරු මත පොලිසිය විසින් සැකකරු ලුහුබැඳ ගොස් අත්අඩංගුවට ගත්තා.
Wyndham Vale හි පදිංචි 64 හැවිරිදි සැකකරු මේ වනවිට වික්ටෝරියා පොලිසිය භාරයේ පසුවනවා.
තුවාල ලැබූවන් 20 – 30 හැවිරිදි වියෙහි පසුවන්නන් බවයි වාර්තා වන්නේ.
