ඔස්ට්‍රේලියාව තුළදී නිවාස ණයක් ලබා ගැනීමට අපහසුම රැකියා ක්ෂේත්‍ර සම්බන්ධයෙන් නවතම අනාවරණයක් සිදුකර තිබෙනවා.
ඒ අනුව වැඩිම දුෂ්කරතාවයට ලක්වන්නේ නිදහස් වෘත්තීන්වල (Freelancers) නිරත වන පිරිසයි.
ආහාර බෙදාහරින සේවකයන් (Deliver Riders) – සංචාරක කර්මාන්තයේ නිරත වන්නන් සහ කලාකරුවන් පිළිවෙලින් මෙහි දෙවන, තුන්වන සහ හතරවන ස්ථානවලට පත්ව තිබෙනවා.
නිර්මාණශීලී රචකයන් – සමාජ මාධ්‍ය ක්‍රියාකාරීන් සහ ස්වයං රැකියාවල නිරත වන්නන් එහි පස්වන, හයවන සහ හත්වන ස්ථානවල රැදී සිටින බවයි දැක්වෙන්නේ.
ව්‍යවසායකයන් අටවන ස්ථානයටත් Online ව්‍යාපාරවල නිරතවන්නන් නව වන ස්ථානයටත් පුද්ගලික සේවා සපයන්නන් දස වන ස්ථානයටත් නම් කර තිබෙනවා.
මෙම ක්ෂේත්‍රවල පවතින අස්ථිරභාවය මෙලෙස පුද්ගලික ණයක් ලබා ගැනීමට අසීරු වී ඇති බවයි වැඩිදුරටත් සඳහන් වන්නේ.
