ෆෙඩරල් රජය විසින් ක්වීන්ස්ලන්ඩ් ප්‍රාන්තය වෙත හමුදා ආධාර යැවීමට පියවර ගෙන තිබෙනවා.
ඒ ප්‍රාන්තයේ නිරිතදිග ප්‍රදේශ තුළ උද්ගත වී ඇති හදිසි ගංවතුර තත්වය සැළකිල්ලට ගනිමින් බවයි වාර්තා වන්නේ.
උද්ගත වී ඇති හදිසි ආපදා තත්වය හමුවේ ප්‍රාන්තයේ ඇතැම් ප්‍රදේශවල ජල මට්ටම ඉහළ යමින් පවතිනවා.
එම කලාපය තුළ ගවයන් මිලියනයකට ආසන්න ප්‍රමාණයක් ද බැටළුවන් මිලියනකට ආසන්න ප්‍රමාණයක් ද සිටින අතර හදිසි ආපදා තත්වය හමුවේ එම සතුන් විශාල අවදානමකට ලක්ව සිටින බවයි දැක්වෙන්නේ.
ෆෙඩරල් රජය සහ ක්වීන්ස්ලන්ඩ් ප්‍රාන්ත රජය ඒකබද්ධව ආපදා සහන ලබාදීමටද සැලසුම් කර තිබෙන බවද වැඩිදුරටත් සඳහන්.
