2024 ජූනි මාසයෙන් අවසන් වූ වසර තුළ ඔස්ට්‍රේලියාවේ ජනගහනය 430,000 කින් පමණ වැඩි වී ඇතැයි සමීක්ෂණයකින් හෙළිව තිබෙනවා.
ඔස්ට්‍රේලියානු සංඛ්‍යා ලේඛන කාර්යංශය විසිනුයි සමීක්ෂණය සිදුකර ඇත්තේ.
ඉන් විදේශීය සංක්‍රමණ වැඩිවීම කැපීපෙනෙන අතර එය 370,000 ක් බවයි වාර්තා වන්නේ.
ස්වභාවික උපත් වර්ධනය 89,500 ක් වන අතර අභ්‍යන්තර සංක්‍රමණිකයින්ගේ වැඩිවීම 34,600 ක්.
ඉන් විශාලතම වර්ධනයක් සිදුව ඇත්තේ මෙල්බන් නගරයේවීම ද විශේෂත්වයක් වනවා.
එය සියයට 3.1 ක වැඩිවීමක් වන අතර එය 142,600 ක ඉහළයාමක් බව සංඛ්‍යා ලේඛන වාර්තාවේ සඳහන්.
දෙවැන්නට ජනගහනය ඉහළගොස් ඇත්තේ සිඩ්නි අගනගරයේ වන අතර එය 107,500 වනවා.
පර්ත් සහ බ්‍රිස්බන් නගරවල ජනගහනය 73,000 කින් පමණ ඉහළ ගොස් තිබෙනවා.
