මෙල්බන් හි Roeville ප්‍රදේශයේ Kellets මාර්ගයේදී මෝටර් රථයක් ගසක ගැටීමෙන් සිදුවූ අනතුරකින් තරුණයන් දෙදෙනෙකු ජීවිතක්ෂයට පත්ව තිබෙනවා.
වික්ටෝරියා පොලිසීය සදහන් කළේ මෙම අනතුර පිළිබඳව අද (30) අලුයම 2.35 ට පමණ දැනුම්දීමක් සිදුකර ඇති බවයි.
මෙලෙස අනතුරට ලක්වූ මෝටර් රථය සොරකම් කරන ලද එකක් බවටයි අනාවරණය වී ඇත්තේ.
Knoxfied ප්‍රදේශයේ නිවසකින් මෙම මෝටර් රථය සහ තවත් මෝටර් රථයක් සොරා ගෙන තිබෙනවා.
අනතුරෙන් ජීවිතක්ෂයට පත්වූ තරුණයන් දෙදෙනාගේ අනන්‍යතාවය මෙතෙක් නිශ්චිතව තහවුරු කරගෙන නැහැ.
මෙම අනතුරට සොරකම් කරන ලද දෙවන මෝටර් රථයේ සම්බන්ධයක් පවතිනවාද යන වග පොලිසිය විමර්ශනය කෙරෙනවා.
අදාළ සිදුවීම සම්බන්ධව යම් තොරතුරක් වෙතොත් CrimeStoppers වෙත දැනුම් දෙන ලෙසයි වික්ටෝරියා පොලිසිය දැනුම් දී ඇත්තේ.
