කොකේන් සඳහා වීදි වටිනාකම (Street Price) අතින් ඔස්ට්‍රේලියාවට තුන්වන ස්ථානය හිමිව තිබෙනවා.
මෙම ශ්‍රේණිගත කිරීම සිදුකර ඇත්තේ එක්සත් ජාතීන්ගේ මත්ද්‍රව්‍ය සහ අපරාධ කාර්යාල (UNODC) දත්ත වාර්තාව මත පදනම්වයි.
ඒ අනුව ඔස්ට්‍රේලියාව තුළ කොකේන් ග්‍රෑම් 01 ක වීදි වටිනාකම (Street Price) ඩොලර් 263 ක් ලෙස සටහන් වී තිබෙනවා.
මෙම ශ්‍රේණිගත කිරීමට අනුව කොකේන් ග්‍රෑම් 01 ක වැඩිම වීදි වටිනාකම සටහන් වී ඇත්තේ එක්සත් අරාබි එමීර් රාජ්‍යයේ වන අතර එම අගය ඩොලර් 286 ක් වන බවයි දැක්වෙන්නේ.
සෞදි අරාබියේ කොකේන් ග්‍රෑම් 01 ක වීදි වටිනාකම සටහන් වී ඇත්තේ ඩොලර් 266 ක් ලෙසයි.
ඊට අමතරව ජපානය තුළ කොකේන් ග්‍රෑම් 01 ක වීදි වටිනාකම ඩොලර් 183 ක්.
මෙම වාර්තාවට අනුව කොකේන් ග්‍රෑම් 01 ක් සඳහා අඩුම මිල සටහන් ව ඇත්තේ බොලිවියාවේ වන වන අතර එම අගය ඩොලර් 06 ක් වන බවද වැඩිදුරටත් සදහන්.
